إن كنت نتشد يارفيقي عن الحال
مالي على كتمانها عنك حيله
الصبر عن بوح الأحاسيس قتال
والبوح في بعض المواقف فشيله
لو كل مايطري على البال ينقال
ماكنت أحس إن الثقيله ثقيله
أبطيت أكافح ضيقة البال فالبال
وأدفع بلا هاجوسها كل ليله
لين أقبلت مثل السحابه بهمال
تشفي غليل اللي تزايد غليله
رعادها خيل تدابك وتختال
وبراقها لمع السيوف الصقيله
طاحت ولا أوفق من حناياك منزال
وسع فضا صدرك لفيض المخيله
يابدر ماني عال لو صحتي عال
شفني من الصدمات نفسي عليله
أشيل حمل لو يشيلنه جبال
الله وامانه غير تصبح نثيله
أرمي من هموم الزمن وأسحب أدبال
وأنزل عن الجوكر وغيري يشيله
من كثر ماشفت بحياتي من أنذال
بديت أشك إن النذاله فضيله
ما طاح عيني رجل طاحو رجال
ورجال يابن حنيف ماهي قليله
أقرب من اللي قالهم ضمن ما قال
راكان إبن حثلين راع الجزيله
هذا ولد عم وهذا ولد خال
وهذا صديق ماندور بديله
سبحان منهو يابدر بدل الحال
وحط الجفا بين الخليل وخليله
هذا الزمن يبغى له لسان دلاٌل
من يستحي هالوقت واعزتي له
وقت به الراعي غدا راعي دلال
كلن على طاريه ينفض شليله
من كان ساسه للردى مضرب أمثال
اليوم يحسب من كبار القبيله
المال يابن حنيف ملعون ابو المال
ذل العزير وعز ناس ذليله
الشاعر/ خلف المشعان.
مالي على كتمانها عنك حيله
الصبر عن بوح الأحاسيس قتال
والبوح في بعض المواقف فشيله
لو كل مايطري على البال ينقال
ماكنت أحس إن الثقيله ثقيله
أبطيت أكافح ضيقة البال فالبال
وأدفع بلا هاجوسها كل ليله
لين أقبلت مثل السحابه بهمال
تشفي غليل اللي تزايد غليله
رعادها خيل تدابك وتختال
وبراقها لمع السيوف الصقيله
طاحت ولا أوفق من حناياك منزال
وسع فضا صدرك لفيض المخيله
يابدر ماني عال لو صحتي عال
شفني من الصدمات نفسي عليله
أشيل حمل لو يشيلنه جبال
الله وامانه غير تصبح نثيله
أرمي من هموم الزمن وأسحب أدبال
وأنزل عن الجوكر وغيري يشيله
من كثر ماشفت بحياتي من أنذال
بديت أشك إن النذاله فضيله
ما طاح عيني رجل طاحو رجال
ورجال يابن حنيف ماهي قليله
أقرب من اللي قالهم ضمن ما قال
راكان إبن حثلين راع الجزيله
هذا ولد عم وهذا ولد خال
وهذا صديق ماندور بديله
سبحان منهو يابدر بدل الحال
وحط الجفا بين الخليل وخليله
هذا الزمن يبغى له لسان دلاٌل
من يستحي هالوقت واعزتي له
وقت به الراعي غدا راعي دلال
كلن على طاريه ينفض شليله
من كان ساسه للردى مضرب أمثال
اليوم يحسب من كبار القبيله
المال يابن حنيف ملعون ابو المال
ذل العزير وعز ناس ذليله
الشاعر/ خلف المشعان.
» في غيبتك كل الاوادم تشابه
» المنتدى كالانسان
» حسبي على قولهم ربي ونعم الوكيل
» انا ربتني الدنيا على جزل العطا والجود
» كيف تتعامل مع الجن في البر
» هل نحن في عصر الفتن
» لماذا يرى الديك الملائكة والحمار يرى الشيطان
» لا احد يسمي بهذا الاسم